«Թեքնոլոջի ընդ Սայնս Դայնամիքս» (TSD) հայկական ընկերության «Immersive Education Solutions» նախագիծն անցել է GIST Tech-I 2016 միջազգային հեղինակավոր մրցույթի եզրափակիչ փուլ

«Թեքնոլոջի ընդ Սայնս Դայնամիքս» (TSD) հայկական ընկերության «Immersive Education Solutions» նախագիծն անցել է GIST Tech-I 2016 միջազգային հեղինակավոր մրցույթի եզրափակիչ փուլ

big_968f8a3652b4162c58081817a990cf05

«Առաջին անգամ «Immersive Education Solutions» նախագիծը ներկայացվել է «Թեքնոլոջի ընդ Սայնս Դայնամիքս» ընկերության եւ «Նյու Թեքնոլոջի Էդուքեյշն Ֆոնդ» բարեգործական հիմնադրամի կողմից իրականացվող «Երիտասարդ հետազոտողների «Մերգելյան» ակումբի» շրջանակում եւ, ստանալով ակումբի անդամների եւ կազմակերպիչների հավանությունը, թիմը սկսել է աշխատել առաջին ֆիլմի սցենարի  ուղղությամբ»,- ասված է հաղորդագրությունում:

Մոտ մեկ տարի է, ինչ թիմն աշխատում է կրթական ֆիլմերի պատրաստման ուղղությամբ: Վերջերս էլ ֆիլմից մի քանի հատված ներկայացրվել է «Կրթություն 21-րդ դար» էքսպոյի ընթացքում։

Նշենք, որ այս տարի GIST Tech-I Competition մրցույթին դիմել են 1 075 ստարտափներ եւ գաղափարներ 104 պետություններից եւ տարածաշրջաններից։ Ավելի քան 140 տարածաշրջանային, գիտական եւ բիզնես ոլորտի մասնագետներ աշխարհի տարբեր վայրերից ուսումնասիրել եւ գնահատել են ներկայացված հայտերը, եւ լավագույն 102  ստարտափերն ու գաղափարները ներկայացվել են կիսաեզրափակիչ փուլ, որոնց օգտին քվեարկել է 431 655 հոգի։

Եզրափակիչ փուլ անցած 15 լավագույն ստարտափերն ու գաղափարները, մինչ Սիլիկոնյան հովտում իրենց նախագծերի ներկայացումը՝ կմասնակցեն առցանց դասընթացների եւ վերապատրաստումների, իսկ արդեն Սիլիկոնյան հովտում երկօրյա դասընթացից հետո կներկայացնեն իրենց նախագիծը ժյուրիին՝ խոշոր ֆինանսավորում ստանալու նպատակով։

Հղում` Թեքնոլոջի ընդ Սայնս Դայնամիքս հայկական ընկերության նախագիծն անցել է GIST Tech -I 2016 միջազգային հեղինակավոր մրցույթի եզրափակիչ փուլ

Ոչ մի մեկնաբանություն չկա

Leave a comment

Translate »